З 6 па 8 ліпеня Бабруйск ператворыцца ў сталіцу прафсаюзнага спорту медыцынскіх работнікаў Беларусі: на спартыўных аб’ектах горада пройдзе XII Рэспубліканская спартакіяда работнікаў аховы здароўя, фізкультурна-аздараўленчага клуба «Санітас».

У мерапрыемстве прымаюць удзел зборныя каманды Міністэрства аховы здароўя, абласных і Мінскай гарадской арганізацый Беларускага прафсаюза работнікаў аховы здароўя, першасных прафсаюзных арганізацый, якія знаходзяцца на прафабслугоўванніў Рэспубліканскім камітэце прафсаюза.

Праграмай спартакіяды запланаваны спаборніцтвы па 9 дысцыплінах: більярдны спорт, валейбол (мужчынскі, жаночы), гіравы спорт, дартс, летняе шматбор’е «Здароўе», міні-футбол, настольны тэніс, плаванне, стральба з пнеўматычнай вінтоўкі.

Па-за асноўнай праграмай спаборніцтваў для членаў каманд-удзельніц спартакіяды будзе арганізавана здача нарматываў узроўню фізічнай падрыхтаванасці Дзяржаўнага фізкультурна-аздараўленчага комплексу Рэспублікі Беларусь.

Урачыстая цырымонія адкрыцця спаборніцтваў адбудзецца 7 ліпеня ў 10.00 на стадыёне «Спартак» (вул. Кастрычніцкая,117).

Арганізатарамі спартакіяды выступаюць міністэрства аховы здароўя, спорту і турызму Беларусі, Рэспубліканскі камітэт Беларускага прафсаюза работнікаў аховы здароўя.