Рэспубліканская спартакіяда работнікаў фізічнай культуры і спорту адбудзецца 27-29 ліпеня ў пасёлку Гарбавічы Чавускага раёна на базе спартыўна-аздараўленчага цэнтра «Рудэя». Пра гэта карэспандэнту сайта паведамілі ва ўпраўленні спорту і турызму Магілёўскага аблвыканкама.

У спаборніцтве прымуць удзел 23 каманды з цэнтральнага апарату Міністэрства спорту і турызму, падначаленых арганізацый, упраўленняў спорту і турызму абласных выканкамаў, Мінскага гарадскога выканаўчага камітэта. Спаборніцкая праграма спартакіяды будзе складацца з пляжнага валейбола, міні-футбола, дартса, настольнага тэніса, стральбы з пнеўматычнай вінтоўкі, шахмат, шашак, тэхнікі воднага турызму, паласы перашкод, а таксама розных конкурсаў.

Пераможцы і прызёры ў сваіх намінацыях будуць узнагароджаны кубкамі, граматамі, медалямі, грашовымі прызамі.