У Магілёве па Мінскай шашы і вуліцы Якубоўскага ўстановяць 110 новых светлавых апор са святлодыёднымі лямпамі.

На ўездзе ў Магілёў у кастрычніку будуць уведзены ў эксплуатацыю адрамантаваная дарога і прылеглая тэрыторыя на ўчастку ад вуліцы Бялыніцкага-Бірулі да вуліцы Пысіна. Паралельна пачаўся рамонт дарогі ад вуліцы Пысіна да пуцеправода (моста на вуліцы Якубоўскага). На прадпрыемстве «Дарсервіс» удакладнілі: пры наяўнасці сродкаў асноўныя працы і на гэтым участку будуць завершаны восенню, а ўвод запланаваны на 2019 год.

Уезд у абласны цэнтр з боку сталіцы будзе аформлены ў адным стылі: і па Мінскай шашы, і па вуліцы Якубоўскага. Да скрыжавання з вуліцай Пысіна будзе веладарожка і зоны адпачынку.

ТРК «Могилев»