Дапамогу ва ўборцы ўраджаю акажуць больш за 100 ваеннаслужачых беларускай арміі, паведамілі ў Міністэрстве абароны.

Ва Узброеных Сілах сфарміраваны 3 зводныя аўтамабільныя падраздзяленні. Яны накіруюцца ў Магілёўскую, Мінскую і Віцебскую вобласці. «Усяго для перавозкі сельскагаспадарчых грузаў плануецца задзейнічаць больш за 100 ваеннаслужачых і 60 адзінак аўтамабільнай тэхнікі. Такая дапамога арміі сельгасарганізацыям стала ўжо традыцыйнай», - адзначылі ў ведамстве.

БЕЛТА