Фестываль «Макавей» адбудзецца 14 жніўня ля помніка прыроды рэспубліканскага значэння «Блакітная крыніца» ў Слаўгарадскім раёне. Пра гэта паведамілі ў раённым выканаўчым камітэце.

Раніцай у 8.00 у Свята-Макавееўскай капліцы адбудзецца малебныя спевы з акафістам. У 11.00 плануецца пачаць хрэсны ход з асвятленнем вады, мёду, лекавых траў. Пасля тагоўсім жадаючым прапануюць здзейсніць абрад Хрышчэння.

Падчас свята будзе працаваць тэматычны кірмаш, дзе госці змогуць набыць прадукцыю пчалярства, смачныя пачастункі ад мясцовых сыравараў, вырабы майстроў дэкаратыўна-прыкладногамастацтва, харчовыя і прамысловыя тавары.

Акрамя рэлігійнага складніка, запланавана культурная праграма. На спецыяльнай пляцоўцы («Цэнтр экалогіі крынічнай вады») з 10.00 да 17.00 размесцяць інфармацыю пра турыстычныя маршруты, аграсядзібы, мясцовыя фестывалі.

На 13.30 прызначана тэатралізаванае свята «Мядовы Спас». З нацыянальным каларытам абяцае прайсці V рэгіянальны свята-конкурс «Спас – усяму час» (пачатак у 14.00). У ім прымуць удзел фальклорныя калектывы Магілёўскай вобласці.

Штогод да Блакітнай крыніцы па самых сціплых падліках прыязджае да 50 тыс. паломнікаў. Вада тут лічыцца гаючай і з’яўляецца эталонам чысціні. Абрад жа пакланення крыніцы ўнесены ў спіс нематэрыяльнай культурнай спадчыны Беларусі. На праваслаўнае свята «Макавей», прымеркаванае да Дня памяці сямі пакутнікаў Макавеяў і Мядовага Спасу, якое адзначаецца 14 жніўня, сюды збіраецца асабліва многа людзей не толькі з Беларусі, але і Расіі, Украіны, іншых краін.