У Магілёве адбыўся вялікі забег у рамках акцыі «Бегуны-гарады». Больш за 500 жыхароў горада выйшлі на спартыўны старт, каб дапамагчы дзецям у рамках новага этапу дабрачыннага праекта #velcombegom. Да акцыі далучылася больш за 500 чалавек: прафесійныя лёгкаатлеты, спартсмены-аматары, прадстаўнікі працоўных калектываў, медыкі, супрацоўнікі кампаніі velcom, а таксама неабыякавыя жыхары Магілёўшчыны.

Сімвалічны забег «Бегуны-гарады» стартаваў у 17.30 на набярэжнай ракі Дубравенка. Акцыя праводзіцца тэлекам-аператарам velcom пры падтрымцы Міністэрства аховы здароўя. Усе кіламетры, якія прабеглі ўдзельнікі, пайшлі ў агульную скарбонку вобласці на карысць Магілёўскага абласнога дзіцячага цэнтра медыцынскай рэабілітацыі «Космас».

Удзельнікі масавага дабрачыннага забегу 8 жніўня ў Магілёве паказалі вялікія спартыўныя вынікі. У агульным у гэты дзень яны прабеглі больш за 1000 кіламетраў у падтрымку УАЗ «Абласны дзіцячы цэнтр медыцынскай рэабілітацыі «Космас»». У ім праходзяць лячэнне дзеці і падлеткі 5-18 гадоў, якія пакутуюць захворваннямі пульманалагічнага, кардыярэўматалагічнага, артапедатраўматалагічнага і нефраўралагічнага профілю.

«Сэнс вялікай дабрачыннай акцыі кампаніі velcom у тым, каб прыцягнуць да ўдзелу як мага больш жыхароў нашай краіны. Для гэтага трэба выходзіць на прабежкі і выкладваць свае вынікі ў сацыяльных сетках. А ўсе сабраныя кіламетры пойдуць у дапамогу медыцынскім установам, у якіх праходзяць лячэнне дзеці з цяжкімі захворваннямі і інваліднасцю. Вельмі радуе, што на акцыю «Бегуны-гарады» так актыўна адгукнуліся жыхары Магілёўскай вобласці», – адзначыла галоўны педыятр Магілёўскай вобласці Таццяна Каняева.

Для ўдзелу ў акцыі «Бегуны-гарады» жыхарам Магілёўскай вобласці неабходна з 6 па 12 жніўня выходзіць на прабежкі са смартфонам і любым мабільным фітнес-дадаткам, а затым рабіць публікацыі ў сацыяльных сетках з указаннем свайго выніку і хэштэгамі #velcombegom #mogilev. У выніку праекта кампанія velcom акажа фінансавую дапамогу дзецям кожнага з шасці медыцынскіх цэнтраў. Агульны фонд дабрачыннай дапамогі складзе 165 000 рублёў. Вынікі праекта будуць абвешчаны 4 верасня на прэс-канферэнцыі ў Мінску.

«Сёння ў дапамогу дзецям у рамках праекта «Бегуны-гарады» бяжыць ўся Беларусь. І ў кожнай вобласці мы бачым сур’ёзную актыўнасць мясцовых жыхароў, якія не застаюцца ў баку ад грамадскіх праблем. Магілёўская вобласць прыняла дабрачынную эстафету ў Брэстчыны і Гомельшчыны. Жыхары рэгіёна даказалі, што ў іх вялікія і добрыя сэрцы. За тры дні ўдзельнікі акцыі ў Магілёўскай вобласці ўжо прабеглі нямала кіламетраў у дапамогу дзецям. Спадзяюся, яны працягнуць выходзіць на забегі так жа актыўна», – адзначыў начальнік аддзела карпаратыўных камунікацый velcom Мікалай Брадзялёў.

Рэспубліканская акцыя «Бегуны-гарады» стартавала ў Беларусі 23 ліпеня. У кожнай вобласці дабрачынны марафон будзе працягвацца 7 дзён, а жыхарам рэгіёнаў трэба будзе прабегчы як мага больш «кіламетраў дабра», каб дапамагчы мясцовым бенефіцыярам – дзіцячым абласным цэнтрам медыцынскай рэабілітацыі. З 13 жніўня бегавую эстафету прыме Віцебская вобласць.

Нагадаем, што #velcombegom – гэта дабрачынная спартыўная ініцыятыва кампаніі velcom, накіраваная на дапамогу дзецям, якія жывуць у нястачы, і дзіцячым медыцынскім установам. Забегі #velcombegom праводзяцца штогод, пачынаючы з 2015 года. У 2018 годзе па выніках маштабнай дабрачыннай акцыі SunRun Challenge праекта #velcombegom дапамога ў памеры 50 000 рублёў была аказана ДУ «Дзіцячы дом-інтэрнат для дзяцей-інвалідаў з асаблівасцямі псіха-фізічнага развіцця».