У Магілёўскай вобласці зацверджаны план мерапрыемстваў па святкаванні 100-годдзя ВЛКСМ. Ён быў прыняты на пасяджэнні арганізацыйнага камітэта па падрыхтоўцы да юбілейнай падзеі, паведамілі карэспандэнту сайта ў абкаме ГА «БРСМ».

Так, праграмай запланавана правядзенне ўрачыстага мерапрыемства, навуковай канферэнцыі, конкурсаў прафесійнага майстэрства сярод моладзі, песні, твораў, арганізацыя тэматычнай перасоўнай фотавыставы, кінасеансаў, адкрыццё музейных кампазіцый, увекавечанне знакавых падзей у назвах высаджаных алей, сквераў і інш.

Пасяджэнні арганізацыйнага камітэта, у склад якога ўваходзяць прадстаўнікі органаў улады, грамадскіх аб’яднанняў, ветэраны камсамольскага руху, будуць праходзіць на рэгулярнай аснове. Прапановы і заўвагі можна накіроўваць на адрас: okbrsm@inbox.ru.

Стагоддзе ВЛКСМ будзе адзначацца 29 кастрычніка.