Парк школьных аўтобусаў Магілёўскай вобласці папоўніцца 21 машынай. Сертыфікаты на іх набыццё ўручыў сёння старшыня Магілёўскага аблвыканкама Уладзімір Даманеўскі кіраўнікам 12 раёнаў на абласной жнівеньскай канферэнцыі педагагічных работнікаў у Клічаве.

Падарункі да новага навучальнага года ад Магілёўскага аблвыканкама прынялі Бялыніцкі, Бабруйскі, Глускі, Дрыбінскі, Клімавіцкі, Клічаўскі, Круглянскі, Магілёўскі, Мсціслаўскі, Асіповіцкі, Чавускі і Шклоўскі раёны.

На сённяшні дзень у падвозе дзяцей, якія пражываюць у сельскай мясцовасці рэгіёна, задзейнічана 235 школьных аўтобусаў, аднак неабходнасць абнаўлення парку транспартных сродкаў з’яўляецца штогод.

Усяго ў Магілёўскай вобласці ў новым навучальным 2018/2019 годзе будзе працаваць 379 устаноў агульнай сярэдняй і спецыяльнай адукацыі, у тым ліку 319 школ і 16 гімназій. На падрыхтоўку ўстаноў адукацыі рэгіёна з бюджэту выдзелена Вг16 млн. Акрамя таго, на гэтыя мэты накіравана Вг857 тыс пазабюджэтных сродкаў і Вг620 тыс. шэфскай і спонсарскай дапамогі.