Дэпартамент па энергаэфектыўнасці Дзяржаўнага камітэта па стандартызацыі аб’яўляе аб правядзенні ў 2018/2019 навучальным годзе XII Рэспубліканскага конкурсу дзіцячых і маладзёжных праектаў па эканоміі і беражлівасці «Энергамарафон – 2018».

Конкурс праводзіцца ў намінацыях «Праект практычных мерапрыемстваў па энергазберажэнні», «Культурна-відовішчнае мерапрыемства па прапагандзе эфектыўнага і рацыянальнага выкарыстання энергарэсурсаў», «Мастацкая работа па прапагандзе эфектыўнага і рацыянальнага выкарыстання энергарэсурсаў», «Сістэма адукацыйнага працэсу і інфармацыйна-прапагандысцкай работы ў сферы энергазберажэння ва ўстанове адукацыі».

Адборачныя этапы «Энергамарафону» пройдуць у кожнай вобласці і Мінску з падвядзеннем вынікаў у студзені-лютым 2019 года. Заключны этап адбудзецца ў Гродна ў сакавіку-красавіку будучага года.

Рэспубліканскі конкурс накіраваны на фарміраванне ў дзяцей і моладзі актыўнай сацыяльнай пазіцыі па рацыянальным выкарыстанні энергарэсурсаў, беражлівых адносінах да навакольнага асяроддзя. «Энергамарафон» таксама накіраваны на выяўленне і распаўсюджванне эфектыўнага вопыту ўстаноў адукацыі па арганізацыі энергазберажэння.

БЕЛТА