Больш за Br430 тыс. прадпісана вярнуць у бюджэт па выніках праверкі Камітэтам дзяржкантролю Магілёўскай вобласці дзейнасці УВКП «Быхаўрайвадаканал». Субсідыі на гэту суму былі атрыманы прадпрыемствам незаконна, паведамілі ў ведамстве.

Акрамя таго, кантралёры ўстанавілі неабгрунтаванае завышэнне водаканалам у 2016-2017 гадах тарыфаў для юрыдычных асоб за аказаныя ім паслугі па водазабеспячэнні і водаадвядзенні на агульную суму больш за Br115 тыс., а таксама парушэнні парадку ўліку пры заборы падземных і скідванні сцёкавых вод.

Па выніках праверкі незаконна атрыманая выручка вернута спажыўцам, да адміністрацыйнай адказнасці прыцягнута прадпрыемства і 5 яго службовых асоб на агульную суму больш за Br140 тыс. рублёў, 3 работнікі пакараны дысцыплінарна.