Камітэт дзяржкантролю Магілёўскай вобласці правёў праверку Быхаўскай цэнтральнай раённай бальніцы. У выніку быў выяўлены шэраг недахопаў у сферы арганізацыі харчавання пацыентаў: невыкананне рацыёнаў, парушэнні тэхналогіі прыгатавання страў, у тым ліку недахопы прадуктаў і іншыя.

Акрамя таго, зафіксаваны шматлікія выпадкі незаконнага атрымання сродкаў бюджэту, а таксама парушэнні пры ажыццяўленні дзяржаўных закупак.

Матэрыялы праверкі падрыхтаваны для разгляду на пасяджэнні калегіі КДК. Да адміністрацыйнай адказнасці прыцягнуты 23 чалавекі, да дысцыплінарнай – 19, у бюджэт спагнана Br50 тыс.