У Бабруйску 7-9 верасня на стадыёне будаўнічага прафесійна-тэхнічнага каледжа (вул. Гагарына, 42) адбудуцца гульні сярод каманд групы «А» другога круга першынства Рэспублікі Беларусь па мотаболе.

Плануецца, што ўдзел у спаборніцтвах прымуць каманды з Бабруйска, Мінска, Наваполацка і Оршы. За перамогу пазмагаюцца юнакі 14-18 гадоў.

Першынство праводзіцца з мэтай умацавання здароўя моладзі, развіцця мотабола ў краіне і яго далейшай папулярызацыі, павышэння ўзроўню майстэрства беларускіх мотабалістаў.

Арганізацыяй і падрыхтоўкай спаборніцтва займаецца ГА «Беларуская федэрацыя матацыклетных відаў спорту», Магілёўская абласная арганізацыйная структура ДТСААФ, Бабруйская аб’яднаная арганізацыйная структура ДТСААФ пры падтрымцы Бабруйскага гарадскога выканаўчага камітэта.