Спаборніцтвы па міні-гольфе сярод Саюзнай моладзі адбудуцца ў Магілёве 8 верасня. Пра гэта карэспандэнту сайта паведамілі ў гарадской арганізацыі «БРСМ», якая выступае арганізатарам турніру.

Спаборніцтвы пачнуцца ў 10.00 на спецыяльнай пляцоўцы каля Палаца культуры вобласці. За перамогу пазмагаецца 15 каманд, сфарміраваных з ліку актывістаў ва ўзросце ад 14 да 31 года. Найлепшых вызначаць па асабістых і агульнакамандных выніках.

Спаборніцтвы праводзяцца з мэтай развіцця, папулярызацыі гольфа і міні-гольфа ў Беларусі ў межах святкавання дня нараджэння Беларускага рэспубліканскага саюза моладзі.