Індывідуальныя прадпрымальнікі і юрыдычныя асобы змогуць атрымаць права на выкананне аўтаперавозак пасажыраў без конкурсу да 30 чэрвеня 2019 года, паведамілі ў Міністэрстве транспарту і камунікацый.

«Права выканання міжгародніх аўтамабільных перавозак пасажыраў у рэгулярных зносінах плануецца прадаставіць да 30 чэрвеня 2019 года без правядзення конкурсу юрыдычным асобам і індывідуальным прадпрымальнікам, якія адпавядаюць патрабаванням заканадаўства аб аўтамабільным транспарце і аўтамабільных перавозках», – праінфармавалі ў міністэрстве.

Гэта прадугледжана праектам указа, які распрацаваны Мінтрансам у мэтах далейшай лібералізацыі рынку транспартных паслуг і развіцця міжгародніх аўтамабільных перавозак пасажыраў у рэгулярных зносінах.

Праект нарматыўнага прававога акта прайшоў грамадскае абмеркаванне на афіцыйным сайце Міністэрства транспарту і камунікацый, адобраны на пасяджэнні грамадска-кансультацыйнага (экспертнага) савета па развіцці прадпрымальніцтва пры Мінтрансе, узгоднены Саветам па развіцці прадпрымальніцтва ў Беларусі.

У Мінтрансе дадалі, што пасля ўзгаднення з дзяржаўнымі органамі праект указа плануецца накіраваць ва ўрад.

БЕЛТА