Адкрыццё мемарыяльнай пліты воінам, якія загінулі пры абароне Магілёва ў 1941 годзе, адбудзецца сёння ў 15.00 каля корпуса №5 Беларуска-Расійскага ўніверсітэта (1-ы Латышскі праезд). Пра гэта карэспандэнту сайта паведамілі ў ВНУ.

У мерапрыемстве прымуць удзел прадстаўнікі адміністрацыі Ленінскага раёна Магілёва, грамадскіх аб’яднанняў і валанцёры БРУ.

Добраўпарадкаванне месца пахавання чырвонаармейцаў – ініцыятыва Беларуска-Расійскага ўніверсітэта. Яе падтрымаў Магілёўскі гарвыканкам, адміністрацыя Ленінскага раёна Магілёва, пошукавы клуб «Вікру», МГКУП «СКАН», Ленінскія раённыя арганізацыі грамадскіх аб’яднанняў «Беларускі фонд міру» і «Белая Русь».