Расія зацікаўлена ў недарагіх беларускіх леках, заявіў журналістам міністр аховы здароўя Валерый Малашка.

«Мы прапануем лінейку лекавых прэпаратаў, якая носіць сацыяльны характар. Вялікі працэнт лекаў, якія выпускаюцца ў нашай краіне, каштуе менш за Br4. Менавіта недарагія сацыяльна значныя лекавыя прэпараты вельмі цікавыя Расійскай Федэрацыі», – сказаў Валерый Малашка.

Дэлегацыя Міністэрства аховы здароўя на V Форуме рэгіёнаў Беларусі і Расіі абмяркоўвае з калегамі пытанні эканомікі аховы здароўя. Прайшлі сустрэчы з дэлегацыямі Удмуртыі, Самарскай, Бранскай абласцей. На палях форуму чакаецца яшчэ шэраг сустрэч. Беларускі бок прасоўвае розную медыцынскую тэхніку, вырабы медпрызначэння. «Мы таксама прапануем арганізацыю сумесных прадпрыемстваў, кантрактнай вытворчасці ў нас у краіне тых прадуктаў, якія будуць цікавыя Расійскай Федэрацыі», – адзначыў міністр.

Паводле яго слоў, беларускія і расійскія спецыялісты могуць супрацоўнічаць і пры ўкараненні электроннай аховы здароўя. Беларусь у гэтым плане выкарыстоўвае расійскі вопыт, а таксама арыентуецца на прапановы Сусветнай арганізацыі аховы здароўя. «Улічваючы, што нас аб’ядноўвае Саюзная дзяржава, а таксама з улікам вельмі цеснай сувязі і міграцыі нашых грамадзян, мы павінны ісці па шляху сумяшчальнасці нашых электронных сістэм. Нам трэба выбудоўваць адзіныя стандарты, шмат у чым падобную нарматыўную базу, нягледзячы на тое, што мы функцыянуем у некалькі розных фінансавых сістэмах», – адзначыў міністр.

БЕЛТА