ААТ «Банк БелВЭБ» прадаставіць ААТ «Магілёўхімвалакно» да $9 млн у эквіваленце па адкрытай крэдытнай лініі, паведамілі ў прэс-службе банка.

Прызначэнне крэдыту – мэтавае фінансаванне расійскага экспарту ў Беларусь. У прыватнасці, сродкі будуць накіраваны на закупку прадукцыі расійскай вытворчасці (ПАТ «СІБУР Холдынг», ААТ «Ніжнекамскнафтахім»), якая выкарыстоўваецца ў бягучай дзейнасці ААТ«Магілёўхімвалакно».

Крэдытная лінія адкрыта для фінансавай падтрымкі расійска-беларускіх інтэграцыйных праектаў. Адпаведны кірунак працы прадугледжаны стратэгічным планам развіцця ААТ «Банк БелВЭБ» на 2016-2019 гады.

У студзені-верасні 2018 года Банк БелВЭБ прафінансаваў расійска-беларускія інтэграцыйныя праекты на суму 61,8 млрд расейскіх рублёў у эквіваленце. Удзельная вага інтэграцыйных праектаў у агульным аб’ёме фінансавання карпаратыўных кліентаў склала 48,5%.

БЕЛТА