Новыя цэнтры па абслугоўванні плацельшчыкаў адкрыюць у Магілёве і Бабруйску ў снежні, паведаміла першы намеснік начальніка ІМПЗ па Магілёўскай вобласці Наталля Куляшова.

У будынках інспекцыі МПЗ Ленінскага раёна Магілёва і Магілёўскага раёна, ІМПЗ Бабруйска вядзецца рэканструкцыя і мадэрнізацыя першых паверхаў пад стварэнне цэнтраў, дзе абслугоўванне грамадзян будзе пабудавана пры дапамозе электроннай чаргі. Тут будуць выкарыстаны прынцыпы выразнага занавання і падзелу працэсаў, што дазволіць плацельшчыкам хутка арыентавацца ў выбары паслуг.

У распараджэнні цэнтраў будзе самае сучаснае офіснае і камп’ютарнае абсталяванне, прадугледжаны працоўныя месцы для экспрэс-прыёму (кансультавання) фізічных асоб, прадастаўлены ўзоры запаўнення дакументаў, устаноўлены экраны і тэрміналы з актуальнай інфармацыяй. Інтэр’ер будзе вытрыманы ў адзіным стылі, а спецыялістаў апрануць ва ўніформу. «Увод у строй новых цэнтраў дазволіць стварыць больш даступныя і зручныя ўмовы абслугоўвання плацельшчыкаў, павысіць якасць аказання паслуг, скараціць час знаходжання ў падатковай, – адзначыла Наталля Куляшова. – Першы такі цэнтр працуе з мінулага года ў ІМПЗ па Кастрычніцкім раёне Магілёва і зарэкамендаваў сябе з станоўчага боку».

Да новага фармату абслугоўвання мяркуецца далучыць дзве трэція плацельшчыкаў Магілёўскай вобласці. У 2019 годзе аналагічны цэнтр плануецца адкрыць і ў Асіповічах.

БЕЛТА