У Магілёве 5 снежня пройдуць традыцыйныя «Снежаньскія сустрэчы» з артыстамі і галоўным рэжысёрам абласнога драмтэатра Саўлюсам Варнасам. Пра гэта карэспандэнту сайта паведамілі ў адміністрацыі ўстановы культуры.

Праграмай мерапрыемства, якое пачнецца ў 17.00 у абласной бібліятэцы імя У. І. Леніна, прадугледжана мультымедыйная прэзентацыя гісторыі тэатра, гутарка з рэжысёрам і акцёрамі Іванам Трусам, Юліяй Ладзік і інш. 

Галоўнай тэмай абмеркавання стане паказ пяці спектакляў тэатра ў фінале рэспубліканскага конкурсу тэатральнага мастацтва «Нацыянальная тэатральная прэмія» ў 2018 годзе: «Ліпень», «Жанчына мора», «Скарына», «Смех у цемры» і «Па шчупаковым загадзе». Вынікі конкурсу будуць абвешчаны 21 снежня. Таксама адбудзецца размова аб апошніх прэм’ерах.

Уваход на мерапрыемства вольны.