У Асіповічах пачалася тэставая эксплуатацыя фізкультурна-аздараўленчага комплексу «Жамчужына». Пра гэта паведамілі ў райвыканкаме.

Гэта апошні этап перад афіцыйным адкрыццём, на працягу якога ў зберагалым рэжыме правераць работу спортінвентара, вырашаць астатнія арганізацыйныя пытанні.

Ужо вядзецца набор жадаючых займацца аквааэробікай, пачатковым навучаннем плаванню, бодзібілдынгам.

Комплекс з басейнам плануюць адкрыць ужо сёлета. Ён зможа адначасова прымаць больш за 350 чалавек. Шматфункцыянальны крыты будынак змяшчае 3 басейны: для спартыўнага плавання на тры дарожкі; свабоднай канфігурацыі з элементамі аквапарку і эфектам горнай ракі; для навучання плаванню дзяцей ад 3 да 6 гадоў. Акрамя таго, тут размяшчаецца зала для заняткаў аэробікай і трэнажорная зала, саўна на 5 чалавек. Ёсць буфет на 20 пасадачных месцаў, більярдавая на 2 сталы. ФАК забяспечаны элементамі безбар’ернага асяроддзя: стацыянарным пандусам, пасажырскім ліфтам, спецыяльна абсталяванымі санвузламі, душавымі і распранальнямі.