Памер падтрымкі малазабяспечаных грамадзян, якія пражываюць у паўднёва-ўсходнім рэгіёне (ПУР) Магілёўскай вобласці, пры будаўніцтве або куплі жылля істотна вырасце. Пра гэта паведаміў начальнік аддзела жыллёвай палітыкі Камітэта па архітэктуры і будаўніцтве Магілёўскага аблвыканкама Аляксандр Марфонаў, каментуючы ўказ Прэзідэнта Беларусі «Аб дзяржаўнай падтрымцы пры будаўніцтве (рэканструкцыі) або набыцці жылых памяшканняў».

У прыватнасці, малазабяспечаным грамадзянам, якія вядуць будаўніцтва і працоўную дзейнасць у населеных пунктах паўднёва-ўсходняга рэгіёна Магілёўскай вобласці, памер субсідыі на выплату часткі працэнтаў па камерцыйных крэдытах павялічваецца на 4 працэнтныя пункты. «Для гэтай катэгорыі грамадзян за кошт уласных сродкаў сям’і плацяжы знізяцца на Вг129, 3 і складуць Вг194, 5 у месяц. Гэта значыць, калі раней працэнтная стаўка па крэдыце была ўмоўна роўная 5% гадавых, то цяпер яна будзе ўсяго 1% – Вг32,2, плюс Вг162,2 па асноўным абавязку», – растлумачыў спецыяліст.

Ён адзначыў, што гэтыя новаўвядзенні прымаюцца з мэтай зніжэння крэдытнай нагрузкі на жыхароў ПУР, прыцягнення і замацавання ў ім маладых і высокакваліфікаваных спецыялістаў.

За студзень-кастрычнік бягучага года ў ПУР пабудавана 16,4 тыс. кв. м жылля, у тым ліку з дзяржпадтрымкай больш за 5 тыс. кв. м. Планавае заданне перавыканана больш чым на 60%. У ліку маючых патрэбу ў паляпшэнні жыллёвых умоў у ПУР на сённяшні дзень яшчэ больш за 5 тыс.грамадзян.

БЕЛТА