Казачны офіс Дзеда Мароза будзе працаваць з 23 па 28 снежня ў Палацы культуры вобласці. Пра гэта паведамілі ва ўстанове культуры.

«Хутка ў дзверы дамоў пастукаюцца навагоднія святы, і ўсе дзеці з нецярпеннем будуць чакаць сустрэчы з Дзедам Марозам і Снягуркай, – адзначылі суразмоўцы. – Аднак не ва ўсіх ёсць магчымасць і час наведаць галоўную рэзідэнцыю ў Белавежскай пушчы. Зараз гэтую чароўную сустрэчу магчыма арганізаваць у казачным офісе».

У гасцях у Дзеда Мароза можна будзе ўручыць падарунак, пацешыць дзіця займальнымі заданнямі і конкурсамі з прызамі. Дзятва зможа пакласці навагодні ліст у спецыяльную скрыню, якая будзе ўстаноўлена ў галоўным офісе, а пры жаданні перадаць яго асабіста ў рукі дзядулі.

Прыём заявак будзе ажыццяўляцца па тэлефоне (80222) 64-60-72. Наведванне галоўнага офіса толькі па папярэднім запісе. Кошт: Br5.