Праваахоўнікі Магілёўскай вобласці з пачатку снежня канфіскавалі больш за 51,5 тыс. адзінак піратэхнічных вырабаў. За час прафілактычных рэйдаў выяўлена 47 фактаў розных парушэнняў, большасць з якіх звязана з невыкананнем правілаў захоўвання, паведаміў афіцыйны прадстаўнік УУС рэгіёна Дзмітрый Ігнатовіч.

Так, у Магілёве ў гандлёвым цэнтры па вуліцы Цярохіна супрацоўнікамі аператыўна-пошукавага аддзела УУС і АБЭЗ Кастрычніцкага РАУС зафіксаваны факт захоўвання індывідуальным прадпрымальнікам 17 290 адзінак піратэхнічных вырабаў з парушэннем правілаў захоўвання і рэалізацыі.

Сярод парушэнняў, дапушчаных 22-гадовай магіляўчанкай, была адсутнасць металічнай шафы (сейфа), дзе павінен захоўвацца ўказаны тавар. Піратэхнічная прадукцыя, сярод якой былі салютныя ўстаноўкі і феерверкі, на суму больш за Вг2, 1 тыс. канфіскавана. Праводзіцца праверка. Дзяўчыне пагражае адміністрацыйная адказнасць па ч. 1 арт. 23.48 Каап Рэспублікі Беларусь, якая прадугледжвае штраф у памеры да 10 базавых велічынь (цяпер базавая велічыня складае Br24,5).