Праект «Музыка любімай анімацыі» прадставіць Магілёўская гарадская капэла 21 снежня. Пра гэта паведамілі ва ўстанове культуры.

«Цяжка ўявіць чалавека, які б не быў знаёмы з прадукцыяй ад канала Disney, – адзначылі суразмоўцы. – Дастаткова ўспомніць кадры з мультыплікацыйнага фільма Уолта Дыснея «Аладзін» або аднаго з самых касавых мультфільмаў за ўвесь час існавання кінематографа – мультыкаў «Шрэк» і «Шрэк-2», а таксама «Мадагаскар», «Кароль Леў», «Ружовая пантэра», «Прыгажуня і Пачвара», «Халоднае сэрца» і г. д. Уолт Дысней нясе радасць і шчасце людзям, яго мова зразумелая ўсім народам свету».

На канцэрт можна прыйсці ўсёй сям’ёй, адцягнуцца ад паўсядзённых клопатаў і перанесціся ў свет казкі, чараўніцтва і захапляльных прыгод.

Падчас жывога гучання сімфанічнага аркестра і хору Магілёўскай гарадской капэлы на экране арганізуюць трансляцыю мультфільмаў.

Пачатак у 18.30.