Аматарскія спаборніцтвы па зімовай падлёднай лоўлі рыбы «Калядны кубак Замкавай гары» адбудуцца 23 снежня на вадасховішчы «Запруддзе», якое размяшчаецца ў аграгарадку Горы. Пра гэта паведамілі ў Горацкім райвыканкаме.

Па словах суразмоўцаў, прыняць удзел у зімовым асабістым першынстве могуць усе, хто жадае. Рыбакоў, малодшых за 16 гадоў, на спаборніцтвах чакаюць у суправаджэнні бацькоў.

Спаборніцтвы будуць праводзіцца па некалькіх намінацыях: «Мармышка», «Блешня», «Самая буйная рыба».

Пераможцам і прызёрам турніру ўручаць медалі, дыпломы і каштоўныя прызы.