Намеснік старшыні «Беллеспаперапрама» Генадзь Дзікавіцкі падчас акцыі «Нашы дзеці» наведаў Бабруйскую дзяржаўную спецыяльную агульнаадукацыйную школу-інтэрнат для дзяцей з парушэннем слыху і павіншаваў дзяцей з надыходзячымі святамі, паведамілі ў прэс-службе канцэрна.

У інтэрнаце навучаецца і пражывае больш за 100 вучняў з розных гарадоў і пасёлкаў Магілёўскай вобласці. Школе, у якой дзеці знаходзяцца кругласутачна, ад канцэрна прадастаўлена корпусная і мяккая мэбля вытворчасці ААТ «Івацэвічдрэў».

Канцэрн «Беллеспаперапрам» традыцыйна аказвае падтрымку ўстанове адукацыі ў абнаўленні і папаўненні матэрыяльна-тэхнічнай базы. Рэгулярна вылучаецца бязвыплатная дапамога ў выглядзе мэблі, школьных прылад і іншых матэрыялаў. Дапамагаюць установе адукацыі і прадпрыемствы канцэрна. Не застаюцца ў баку ЗАТ «Бабруйскмэбля», ААТ «ФанДАК» і іншыя арганізацыі.

БЕЛТА

Фота канцерна «Беллеспаперапрам»