У Магілёўскай вобласці ў ноч на 1 студзеня прайшлі 192 навагоднія святочныя мерапрыемствы, у якіх прыняла ўдзел больш за 41 тыс. чалавек. Пра гэта паведаміў афіцыйны прадстаўнік УУС аблвыканкама Уладзімір Сінкевіч.

Ахову грамадскага парадку і грамадскую бяспеку супрацоўнікі органаў унутраных спраў ажыццяўлялі па ўзмоцненым варыянце нясення службы. У месцах правядзення мерапрыемстваў прадпрымаліся дадатковыя меры бяспекі: быў арганізаваны кантрольна-прапускны рэжым з надгляднымі мерапрыемствамі, змянялася схема руху аўтатранспарту. Адміністрацыйных правапарушэнняў, злачынстваў і іншых здарэнняў дапушчана не было.

Суразмоўца дадаў, што 1 студзеня на тэрыторыі вобласці прайшло больш за 30 масавых мерапрыемстваў.