Пачаўся прыём заявак на ўдзел у конкурснай праграме XVIII Міжнароднага фестывалю дзіцячай творчасці «Залатая пчолка». Плануецца, што мерапрыемства пройдзе ў Клімавічах 23-26 мая. Пра гэта паведамляецца на сайце Магілёўскага абласнога метадычнага цэнтра народнай творчасці і культурна-асветнай працы.

Сваё майстэрства могуць прадэманстраваць як індывідуальныя выканаўцы, так і творчыя калектывы. Узрост артыстаў – ад 9 да 18 гадоў уключна. Спаборніцтва будзе праводзіцца ў чатырох жанрах: «Вакальнае мастацтва», «Харэаграфічнае мастацтва», «Выяўленчае мастацтва», «Дэкаратыўна-прыкладное мастацтва». Заяўкі прымаюцца да 15 сакавіка 2019 года.

Суразмоўцы нагадалі, што лаўрэаты папярэдніх конкурсаў фестывалю «Залатая пчолка», узнагароджаныя Гран-пры, дыпломамі I, II, III ступені, могуць удзельнічаць толькі ў тым выпадку, калі перайшлі ў іншую намінацыю ці іншую ўзроставую групу.

Умовы правядзення конкурсу