Выстава да 30-годдзя вываду савецкіх войскаў з Афганістана адкрыецца 30 студзеня ў 15.00 у Магілёўскім абласным краязнаўчым музеі імя Е. Р. Раманава (пл. Славы, 1). Пра гэта паведамілі ва ўстанове культуры.

Экспазіцыя пад назвай «Мы назаўжды для ўсіх – «афганцы»» аб’яднае матэрыялы, прадстаўленыя абласной і гарадской арганізацыямі ГА «Беларускі саюз ветэранаў вайны ў Афганістане», Віцебскім гарадскім музеем воінаў-інтэрнацыяналістаў, Шклоўскім раённым гісторыка-краязнаўчым музеем, Магілёўскім дзяржаўным прафесійным агралесатэхнічным каледжам імя К. П. Арлоўскага, а таксама воінамі-інтэрнацыяналістамі, фотакарэспандэнтам БелТА Алегам Фойніцкім і фотамастаком Міронам Шчудло.

Выстава будзе працаваць да 14 красавіка.

Даведкі па тэлефоне: (80222) 64 02 28.