Гандбалісты Магілёўскага клуба «Машэка» прайгралі ў першым матчы 1/8 фіналу еўрапейскага Кубка выкліку. Сустрэча адбылася ў спарткомплексе «Алімпіец».

Гуляючы на хатняй пляцоўцы, гаспадары не здолелі парадаваць сваіх заўзятараў, саступіўшы бельгійскаму «Візе» з мінімальнай розніцай у ліку – 31: 32.

Зваротны паядынак за выхад у чвэрцьфінал адбудзецца 17 лютага ў Бельгіі.

Нагадаем: «Машэка» паспяхова стартаваў у розыгрышы Кубка выкліку. Абодва матчы 2-га кваліфікацыйнага раўнда супраць грэчаскага «Аэропаса» магілёўцы праводзілі ў родным горадзе на пляцоўцы спарткомплексу «Алімпіец» і перамаглі – 24: 20 і 31:24. У барацьбе за выхад у 1/8 «Машэка» двойчы апынуўся мацнейшым за балгарскую «Добруджы» – 23:47 і 34:25.

Фотаздымкi - БЕЛТА