Юныя магілёўцы, навучэнцы аб’яднання па інтарэсах «Усходнія адзінаборствы» Абласнога цэнтра творчасці, вярнуліся з медалямі з Кішынёва (Малдова), дзе завяршыўся першы моладзевы Кубак Усходняй Еўропы па vovinam. Пра гэта паведаміў педагог аддзела фізічнага выхавання ўстановы дадатковай адукацыі Сяргей Пухальскі.

Марыя Юрчанка заняла першае месца ў тэхнічных відах, Трафім Кісялёў узяў золата ў паядынках і бронзу ў тэхнічных відах, а Уладзіслаў Пярэдня паказаў трэці вынік у паядынках.

Удзелу ў спаборніцтве папярэднічала мэтанакіраваная падрыхтоўка, рэгулярныя трэніроўкі і паспяховае выступленне на нацыянальных спаборніцтвах. Гонар Беларусі ў гэтым еўрапейскім турніры адстойвалі спартсмены з Магілёва, Віцебска і Шуміліна, усяго 20 чалавек.

Сапернікамі нашых дзяцей былі каманды з Малдовы і Румыніі. Беларуская зборная ва ўсіх катэгорыях заваявала 10 залатых, 10 сярэбраных і 15 бронзавых медалёў і паказала другі камандны вынік.