Працоўная акцыя па пасадцы дрэў на ўчастку СЭЗ «Магілёў» №4 адбудзецца 30 сакавіка з 10.00 да 14.00. Азеляненне ўказанай тэрыторыі ў перспектыве акажа станоўчае ўздзеянне на экасістэму паўднёвага раёна абласнога цэнтра.

Падчас акцыі, якая стане часткай агульнарэспубліканскага праекта «За справу!», уздоўж Гомельскай шашы і прылеглых да прадпрыемстваў-рэзідэнтаў свабоднай эканамічнай зоны (ЗТАА «Кронаспан ОСБ» і ЗТАА «Омск Карбон Магілёў») тэрыторыях высадзяць лісцяныя пароды дрэў вышынёй больш за 2 м.

Арганізатарамі акцыі выступаюць адміністрацыя СЭЗ «Магілёў»і Магілёўская гарадская арганізацыя ГА «БРСМ» сумесна з калектывамі вышэйзгаданых прадпрыемстваў.