Магілёўцы згулялі заключны хатні матч сезона 2018/19. Хакейны клуб «Магілёў» перамог аршанскі «Лакаматыў» у серыі пасляматчавых булітаў. У асноўны час і авертайм супернікі не змаглі трапіць у чужыя вароты. Пераможны буліт рэалізаваў магілёвец Дзяніс Дранькоў.

«Хацеў бы павіншаваць сваю каманду з перамогай. Выдатна адпрацавалі тры перыяды, авертайм і буліты. Стараліся нейтралізаваць атакі суперніка, якія былі небяспечнымі. Выклаліся ўсе, пачынаючы ад персаналу і заканчваючы ўсімі хлопцамі на лёдзе. Нам была кроў з носу патрэбна гэтая перамога, і мы зрабілі для гэтага ўсё. Рыхтуемся далей. Ужо ў гэтую суботу нас чакае сустрэча ў адказ у Оршы», – адзначыў падчас пасляматчавай прэс-канферэнцыі галоўны трэнер ХК «Магілёў» Дзмітрый Рылькоў.

Перамога дазволіла нашай камандзе захаваць шанцы на заваяванне пуцёўкі ў экстралігу «А». Наперадзе – тры гульні на выездзе.

ХК "Магілёў"