Экскурсійныя туры ў Мінск з наведваннем спаборніцтваў II Еўрапейскіх гульняў па пэўных відах спорту прапануюць дзецям і заўзятарам з рэгіёнаў, паведаміў дырэктар Рэспубліканскага ўнітарнага прадпрыемства «Цэнтркурорт» Алег Міхайлаў падчас выязнога пасяджэння Міжведамаснага экспертна-каардынацыйнага савета па турызме пры Савеце Міністраў.

«Пры падтрымцы Мінспорту фарміруем спецыяльныя туры на канкрэтныя спаборніцтвы, каб Федэрацыі маглі прапанаваць іх аматарам спорту, дзецям», – распавёў Алег Міхайлаў.

Паводле яго слоў, ужо распрацавана праграма наведвання гульняў «Баскетбол 3Х3», разлічаная на людзей з розным дастаткам і перавагамі па камфорце размяшчэння. У прыватнасці, для дзяцей прапануецца варыянт з пражываннем у інтэрнатах, дзе кошт мінімальны. «Такія прапановы падрыхтуем усім федэрацыям, правядзем прэзентацыі», – адзначыў Алег Міхайлаў.

Плануецца таксама, што на мяжы кожны замежны турыст пры прад’яўленні білета на гульні атрымае буклет з пералікам экскурсій па сталіцы і краіне. У спіс на сённяшні дзень ужо ўключана больш за 40 экскурсійных праграм.

БЕЛТА