Беларуска-Расійскі ўніверсітэт адкрывае тры новыя спецыяльнасці, дзве з якіх – IT. Пра гэта паведамілі ў вышэйшай навучальнай установе.

З гэтага года ВНУ пачне прыём абітурыентаў на «Электронны маркетынг», «Абсталяванне і тэхналогіі высокаэфектыўных працэсаў апрацоўкі металаў», «Інфармацыйныя сістэмы і тэхналогіі (у праектаванні і вытворчасці)».

Плануецца, што студэнтамі названых спецыяльнасцей стане 60 чалавек. На бюджэт маюць намер залічыць 44 абітурыенты, на платнае – 16.

Усяго ў 2019/2020 навучальным годзе ў БРУ будзе адкрыты набор па 26 спецыяльнасцях: 20 – па адукацыйных стандартах Беларусі і 6 – Расіі. Чакаецца, што студэнтамі ўсіх форм навучання ВНУ стане 1 047 чалавек.