Рэдакцыі бабруйскай раённай газеты «Трыбуна працы» і валагодскай раённай газеты «Маяк» (Расія) падпісалі пагадненне аб супрацоўніцтве. Подпісы пад дакументам паставілі рэдактары выданняў Вольга Грэк і Данііл Тураў.

«Мы хацелі б насыціць пагадненне паміж рэдакцыямі канкрэтнымі справамі. Перш за ўсё, каб чытачы бачылі, чым жывуць нашы дзяржавы, якія праекты рэалізуюцца. Гэта галоўная мэта пагаднення», – адзначылі рэдактары.

У далейшым плануецца рэгулярны абмен матэрыяламі, падрыхтоўка тэматычных нумароў, прысвечаных Дню яднання народаў Беларусі і Расіі, стварэнне сумесных праектаў.

tribunapracy.by