Выстава «Традыцыі і культура Японіі» працуе ў Магілёўскім абласным краязнаўчым музеі імя Е. Р. Раманава. Пра гэта паведамілі ва ўстанове культуры.

У экспазіцыю ўвайшло каля 100 прадметаў, прадастаўленых Пасольствам Японіі ў Рэспубліцы Беларусь. У выставачнай зале можна ўбачыць традыцыйныя японскія лялькі, архітэктурна-ландшафтныя макеты японскіх храмаў і замкаў, муляжы страў нацыянальнай кухні, калекцыі паветраных змеяў і масак, тэматычныя часопісы, адзенне. Адзін з найбольш яркіх экспанатаў – вясельная жаночае кімано, якое нявеста апранала на цырымонію шлюбу.

«Праект дапаможа магілёўцам і гасцям горада пазнаёміцца з культурай Японіі, пакажа багацце і разнастайнасць традыцый гэтай старажытнай усходняй краіны», – падкрэслілі суразмоўцы.

Выстава «Традыцыі і культура Японіі» будзе працаваць да 1 верасня. Выхадныя дні: панядзелак, аўторак. Кошт квітка: Br 1,50 – дзіцячы, Br 3 – дарослы.