Лясныя чарніцы – адна з самых экспартуемых ягад у Магілёўскай вобласці. Аблспажыўсаюз адпраўляе ў Латвію, Польшчу і Славакію 80% нарыхтаванай прадукцыі.

Экалагічна чыстыя прадукты даўно ў трэндзе ў Еўропе. Заказы ідуць, і нашы нарыхтоўшчыкі адказваюць наладжанымі пастаўкамі свежай і замарожанай ягады. За кілаграм просяць больш за 2 еўра. З усёй вобласці ў гэтым сезоне ў Літву і Польшчу адправілі 140 т чарніцы. Цяпер вядуць перагаворы з Расіяй яшчэ на 40 т. У асноўным ягады выкарыстоўваюць для пюрэ, сокаў і пірагоў.

Ураджайнасць сёлета невысокая. Адбіліся і вясновыя замаразкі, і чэрвеньская спякота. Але на аб’ёмах умовы надвор’я не адбіліся. Ягады наліліся. Народ – у лесе. Здача ягад і грыбоў – традыцыйны летні прырабатак. Некаторыя нават бяруць адпачынак спецыяльна. Таму што ведаюць: ён сапраўды акупіцца. З пачатку сезона на чарніцах насельніцтва ўжо зарабіла амаль Br 1,5 млн.

Цэнтрамі, дзе цякуць чарнічныя рэкі, па праве лічацца Глускі і Асіповіцкі раёны. На іх долю прыпадае палова ўсіх нарыхтаваных ягад. Але і іншыя заходнія раёны вобласці не адстаюць.

Грыбны сезон толькі пачынаецца. Чарніцы адыходзяць, але ім на змену падрастаюць лясныя буякі, журавіны і брусніцы. Па сутнасці, на ўсім, што дорыць нам прырода, можна зарабіць. Галоўнае – выкарыстоўваць гэтыя рэсурсы з розумам.

ТРК «Магілёў»