Пераможцай у спрынце ў дзяўчат на чэмпіянаце Беларусі па летнім біятлоне стала Дзінара Алімбекава.

Алімпійская чэмпіёнка 2018 года пераадолела 7,5 км за 22 хв 54,6 сек. Алена Кручынкіна стала другой, саступіўшы 5,9 сек. Трэці радок выніковага пратаколу заняла Ганна Сола (адставанне 54,4 сек.).

Чэмпіянат Беларусі па летнім біятлоне праходзіць у рэспубліканскім алімпійскім цэнтры «Раўбічы» 27–28 верасня. Завершацца спаборніцтвы гонкамі пераследавання.