Дзень адчыненых дзвярэй пройдзе ў Беларуска-Расійскім універсітэце 12 кастрычніка. Пра гэта паведамілі ў адміністрацыі ўстановы адукацыі.

Абітурыенты атрымаюць магчымасць сустрэцца і пагутарыць з прадстаўнікамі рэктарата, дэканамі, загадчыкамі кафедрамі, адказнымі работнікамі прыёмнай камісіі, студэнтамі ВНУ. Хлопцы і дзяўчаты таксама змогуць азнаёміцца з асаблівасцямі сістэмы адукацыі, правіламі і парадкам прыёму ва ўніверсітэт, атрымаць інфармацыю аб установе адукацыі, яе структурных падраздзяленнях, больш дэталёва вывучыць спецыяльнасці і спецыялізацыі і інш. Усё гэта дапаможа моладзі канчаткова вызначыцца з будучай прафесіяй.

Мерапрыемства пачнецца ў 10.00 у новым корпусе ВНУ № 7, размешчаным па адрасе: г. Магілёў, вул. Ленінская, 89 Б.