Вызначаны пераможцы творчага конкурсу Беларускага рэспубліканскага саюза моладзі «Слова, першае ў жыцці...», прысвечанага Дню маці, паведамілі ў АК ГА «БРСМ».

Конкурс на самую лепшую эмблему, фатаграфію, малюнак, верш і эсэ стартаваў 10 верасня як частка аднайменнай арт-эстафеты і аб’яднаў усе рэгіёны Беларусі. Усяго паступіла больш за 1 тыс. работ, у тым ліку 100 – ад Магілёўскай вобласці.

Па выніках спаборніцтва ў намінацыі «Найлепшая фатаграфія» (катэгорыя студэнцкая моладзь) першага месца ўдастоена праца студэнткі Магілёўскага дзяржаўнага ўніверсітэта імя А. А. Куляшова Аляксандры Кашырынай.

Пераможцы конкурсу будуць запрошаны ў Мінск 10 кастрычніка. Іх узнагароджанне адбудзецца падчас старту арт-эстафеты «Слова, першае ў жыцці...» у гандлёвым цэнтры «Сталіца». Дзецям уручаць дыпломы, тэматычныя сувеніры і падарункі з беларускім арнаментам, якія сімвалізуюць мацярынства.