Дні духоўнай культуры Расіі і Беларусі пройдуць у Магілёве 12-13 кастрычніка. Пра гэта паведамілі ў абласным метадычным цэнтры народнай творчасці і культурна-асветнай працы.

12 кастрычніка ў 11.00 у канферэнц-зале метадычнага цэнтра (вул. Першамайская, 10) адкрыецца круглы стол на тэму «Фальклор як захавальнік духоўнай культуры». Удзельнікамі палілога стануць навукоўцы, спецыялісты ўстаноў культуры, якія займаюцца вывучэннем і актуалізацыяй фальклору і традыцыйнай культуры рэгіёнаў Беларусі і Расіі. Яны разгледзяць актуальныя пытанні захавання і папулярызацыі фальклорнай спадчыны, вопыт яе ўключэння ў сучасную забаўляльную прастору. Людзі, якія збяруцца, падымуць таксама праблемы вывучэння і прэзентацыі этнакультурнай спадчыны поліэтнічных рэгіёнаў і інш.

У канцэртнай зале «Магілёў» 13 кастрычніка а 15.00 адбудзецца канцэрт творчых калектываў Смаленскай вобласці «У іх імёнах чуецца Русь».

Дні духоўнай культуры Расіі і Беларусі ў Магілёве арганізуюцца ў межах Плана культурнага супрацоўніцтва на 2019-2021 гады па выкананні дамоўленасцей кіраўнікоў дзяржаў.