Абласны этап алімпіяды па фінансавай граматнасці прайшоў у Магілёве. Ён сабраў каманды з усіх раёнаў. За пуцёўкі ў фінал змагаліся 82 старшакласнікі. Па выніках абласнога этапу журы вызначыла тройку лідараў.

Першае месца заваявала навучэнка сярэдняй школы № 2 Горак Марына Жаваранкава. Другое месца заняў прадстаўнік школы № 45 Магілёва Яўген Мілейка. На трэцім месцы – навучэнка Магілёўскага дзяржаўнага абласнога ліцэя № 3 Наталля Стальмахова.

Усе ўдзельнікі абласнога этапу павезлі з сабой сувеніры, брэндаваную прадукцыю ад банкаў.

Галоўны прыз для тройкі пераможцаў – пуцёўкі на рэспубліканскі этап і каштоўныя падарункі ў прыдачу.

Рэспубліканскі этап спаборніцтваў адбудзецца ў снежні. Ён пройдзе ў Нацыянальным банку Беларусі 13 снежня.

ТРК «Магілёў»