На пасяджэнні калегіі Міністэрства працы і сацыяльнай абароны Рэспублікі Беларусь падвялі вынікі рэспубліканскага агляду-конкурсу на самую лепшую арганізацыю работы па добраўпарадкаванні, азеляненні і санітарным утрыманні тэрыторый санаторыяў, падпарадкаваных Мінпрацы, і ўстаноў сацыяльнага абслугоўвання.

У намінацыі «Найлепшая арганізацыя работы па добраўпарадкаванні, азеляненні і санітарным утрыманні тэрыторыі сярод дамоў-інтэрнатаў для састарэлых і інвалідаў і дамоў-інтэрнатаў для дзяцей-інвалідаў» першае месца прысуджана дзяржаўнай установе сацыяльнага абслугоўвання «Быхаўскі псіханеўралагічны дом-інтэрнат».

У намінацыі «Найлепшая арганізацыя работы па добраўпарадкаванні, азеляненні і санітарным утрыманні тэрыторыі сярод тэрытарыяльных цэнтраў сацыяльнага абслугоўвання насельніцтва» трэцяе месца заняла ўстанова «Дрыбінскі раённы цэнтр сацыяльнага абслугоўвання насельніцтва».