У Магілёве каля ГЦ «Атрыум» і ў парку Падніколле арганізуюць гандлёвае абслугоўванне навагодніх і калядных мерапрыемстваў. Пра гэта паведамілі ў гарвыканкаме.

15 снежня - 7 студзеня на пляцоўцы перад новым гандлёвым цэнтрам з 10.00 да 19.00 можна будзе набыць нехарчовыя тавары навагодняй тэматыкі, у тым ліку сувеніры, цацкі, штучныя ёлкі, а таксама кулінарныя і кандытарскія вырабы, чай, каву, алкагольныя напоі на разліў.

21 снежня – 15 студзеня кірмаш разгорнецца і ў парку Падніколле. Гандлёвае абслугоўванне будзе арганізавана з 11.00 да 19.00. Сваю прадукцыю прадставяць «Магілёўхімвалакно», «Магілёўскі мясакамбінат», «Бабушкина крынка», ТАА «Нагорны пасад», індывідуальныя прадпрымальнікі. Адпачываючыя змогуць купіць тут прадукцыю грамадскага харчавання і напоі.

Святочную атмасферу на абедзвюх пляцоўках будзе ствараць музычнае суправаджэнне, а дзеці змогуць пазабаўляцца на атракцыёнах.