17 снежня з 09.00 да 17.00 будуць праводзіцца рамонтныя работы на чыгуначным пераездзе па вуліцы Вішнявецкага, у сувязі з чым рух транспарту праз названы пераезд будзе забаронены. Пра гэта паведамілі ў Магілёўскім гарвыканкаме.

На час перакрыцця ад пасёлка Ямніцкі да чыгуначнага пераезда будзе курсіраваць адзін аўтобус. З боку горада рух аўтобусных маршрутаў № № 22, 29, 44 будзе ажыццяўляцца да прыпыначнага пункта «Рамонтны завод».

Рэйсы па прыгарадных маршрутах «Магілёў – в/ч Ямніца», «Магілёў – Бялевічы», «Магілёў – Сенькава» ў названы перыяд будуць выконвацца ў аб’езд праз а/г Буйнічы з пасадкай і высадкай пасажыраў на прыпыначным пункце «Рабочы пасёлак».

У вёску Цішоўка прыгарадныя аўтобусы заезд ажыццяўляць не будуць!