Маленькім пацыентам Бабруйскай цэнтральнай бальніцы ўпрыгожылі час знаходжання ў медустанове салодкімі пачастункамі. Падарункі ў межах рэспубліканскай дабрачыннай акцыі «Нашы дзеці» ім уручылі старшыня гарвыканкама Аляксандр Студнеў і галоўны ўрач бальніцы, дэпутат Палаты прадстаўнікоў Нацыянальнага сходу Уладзімір Гацко.

Для дзяцей таксама зладзілі невялікае святочнае прадстаўленне з казачнымі персанажамі. Зразумела, прыйшлі ў госці Снягурка і Дзед Мароз, які абраў незвычайны спосаб з’яўлення – праз акно!

Тэкст – СБ, фота Аляксандра Анташкевіча