Міністэрства транспарту і камунікацый 26-27 снежня правядзе ў чатырох абласных цэнтрах краіны сустрэчы па пытанні размеркавання, выдачы і выкарыстання двухбаковых / транзітных дазволаў Польшчы, паведамілі ў ведамстве.

У прыватнасці, у Магілёве з перавозчыкамі рэгіёна пагутарыць начальнік упраўлення аўтамабільнага і гарадскога пасажырскага транспарту Мінтранса Сяргей Дубіна. Дыялог адбудзецца ў 10.00 у актавай зале аўтобуснага парка №1 абласнога цэнтра (Гомельская шаша, 3).

Заяўкі на ўдзел у мерапрыемстве прымаюцца да 15.00 26 снежня па факсе 8 (0222) 65-31-49, тэлефон для даведак 8 (0222) 65-23-35.

У міністэрстве звярнулі ўвагу, што на сустрэчы магчыма прысутнасць толькі аднаго прадстаўніка ад арганізацыі.