У беларускай лёгкай атлетыцы назвалі найлепшых спартсменаў мінулага сезона. Традыцыйная цырымонія ўручэння бронзавых спартыўных «Оскараў» – прэміі «Атлетыка» – адбылася ў сталіцы ўжо шостым разам.

У намінацыі «Юнакі» ўзнагародай адзначаны спартсмен з Магілёва дыскабол Раман Хартановіч, якому для перамогі на Еўрапейскім юнацкім алімпійскім фестывалі хапіла ўсяго адной спробы. Таксама ў 2019 годзе ён стаў другім на чэмпіянаце свету сярод школьнікаў і двойчы перапісаў рэкорд Беларусі U18, спыніўшыся на адзнацы 64.50.

Найлепшым трэнерам у адзначанай узроставай катэгорыі прызнаны настаўнік нашага рэкардсмена Рамана Хартановіча – Міхаіл Дамаросаў, пад кіраўніцтвам якога трэніруюцца маладыя і перспектыўныя хлопцы.