У раёне в. Вішнёўка Бабруйскага раёна да 2022 года плануюць стварыць палігон для пахавання цвёрдых камунальных адходаў і пабудаваць смеццеперапрацоўчы завод. Пра гэта паведаміў сёння на прэс-канферэнцыі старшыня Магілёўскага аблвыканкама Леанід Заяц.

Адзіны комплекс дасць магчымасць ажыццяўляць прыём, сартаванне і далейшую перапрацоўку ЦКА з Бабруйскай зонай абслугоўвання, куды ўваходзіць Бабруйск, Асіповіцкі, Бабруйскі, Глускі, Клічаўскі і Кіраўскі раёны.

На сённяшні дзень УП «Белкамунпраект», які выступае забудоўшчыкам, распрацаваў перадпраектную дакументацыю, якая прайшла экалагічную экспертызу. З лістапада 2019 года вядзецца праектаванне смеццеперапрацоўчага завода. Меркаваны аб’ём інвестыцый на будаўніцтва аб’екта складае Br40 млн.